《2023香港小姐竞选》总决赛于今晚（27日）举行，每年香港小姐总决赛都总有唔少甩辘位，相信今年总决赛都唔例外，就等我哋为大家现场直击总决赛7大必睇焦点！

阅读全文

《2023香港小姐竞选》现场直击7大必睇焦点：

2023香港小姐竞选︱1. AI主持Evelyn生硬兼奇怪

今年《2023香港小姐竞选》其中一名大会司仪陈婉嫣（Evelyn），是由 AI 透过综合过往 50 年港姐冠军的参赛片段生成出来，更是史上第一位 AI 港姐司仪！虽然勇于挑战新科技值得鼓励，但可惜技术依然未够成熟，AI主持Evelyn动作都非常生硬又奇怪，睇到网民都非常尴尬。

2023香港小姐竞选︱2. 介绍环节超尴尬 四位主持不停照稿读

今年由四位「爱妻号」陈豪、陈山聪、萧正楠和陈展鹏担任主持，不过虽然四位演技了得，但主持功力就认真麻麻。在首个环节开始就开始疯狂照稿读，其中以陈豪最为严重。网民都留言狠批：「四条友讲野闷到，讲啲野同班佳丽啲对答无关係嘅。」

2023香港小姐竞选︱3. 嘉宾由黎明「降呢」到吴业坤

去年有天王黎明做嘉宾，大阵仗到坐飞机登场，不过今年就换上吴业坤坤哥做嘉宾。虽然坤哥表现得唔错，又有台风，但网民都指未免「降呢」得太夸张：「坤哥都上到位」、「睇嚟大台真係几拮据」、「做咩有个毒X唱歌」等。

2023香港小姐竞选︱4. AI佳丽50年后样貌：点解选美要睇阿婆？

今年为了符合AI主题，有一Part用AI为一班港姐合成50年后的样貌，再疑似搵一班配音员返嚟配音扮AI，让佳丽与「未来」的佳丽对话。大批网民都狠批呢Part超闷又无聊：「边有选美比赛会走去老化自己啲佳丽」、「最新嘅科技都可以用到咁大阵老人除」、「农曆7月…玩呢味野」、「我想睇女 点解会有呀婆」等。

2023香港小姐竞选︱5. 泳装环节包到实一实

到真正泳装环节之前，16位佳丽都只换上比坚尼上衣，不过又着外套，又着长裤包到实一实，得有份晋级10强的佳丽先有份着「真泳衣」进行泳装问答环节，睇到一班网民眼火爆：「係唔係入左围之后先除裤除衫泳装问答」。

2023香港小姐竞选︱6.黄泳嘉再表演牧童笛继续走音

2号黄泳嘉（Jessica）早前在才艺表演中选择表演小学时经常吹的牧童笛，但技术却非常一般，甚至吹《 My Heart Will Go On 》吹到严重走音，该段片段更获得超过1万个Like。今日到泳衣环节，Jessica又再表演牧童笛，不过都係继续走音，笑爆全场。

2023香港小姐竞选︱7.麦美恩疑似敏感发作 超专业继续主持

有份主持泳装环节的麦美恩疑似敏感发作，心口前有多哒红印，网网民都话睇落都觉得痕。不过麦美恩依然非常专业，一啲都冇表现出不适神情！

香港小姐2023｜庄子璇成功大热夺冠 亚军王怡然同获最上镜封号

福利视频，稀有资源请前往新站下载：zuisiji.top