TONE Music主办一连两场的《未来音乐祭 TONE MUSIC FESTIVAL 2023》将于9月30日、10月1日假亚洲国际博览馆举行，不过TONE Music喺昨日突然宣布告急，暂时只卖出不到3成的门票，销情认真惨烈！唔少网民怒斥5大问题未有解决！

阅读全文

未来音乐祭︳TONE Music千字文告急：只卖出3成门票

TONE Music主办一连两场的《未来音乐祭 TONE MUSIC FESTIVAL 2023》即将举行，参与歌手都相当有睇头，当中包括：谢安琪、Marf@COLLAR、周国贤、韦礼安、安溥、絵丽奈等。不过竟然出现告急的状况，TONE Music昨日喺IG千字文出post，直指目前为止只卖出不到三成门票，更指原本唔打算告急，但亦承认冇得选择，希望打惨情牌谷飞。

网民力数5大死因：

未来音乐祭︳无人睇原因1. 太多新人 live唱得唔好听

虽然TONE Music出晒千字文，但似乎网民都唔多受落，留言反指音乐祭的问题。首先有网民留言指出虽然主打鼓励乐坛新人，但真係多得济，无乜有gimmick气氛好嘅单位，仲话因为去过之前嗰个搞到无晒信心，因为搵埋啲出名唱live唔好听的歌手，更点名女团lolly talk，真係完全入唔耳，但今年係headline，表示：

「pop又pop唔哂，indie又indie唔哂，两头唔到岸」

「本地indie fans都几失望，少咗一个音乐节可以去玩。lineup嘅嘢冇得改应该冇得救，希望下年再搞好啲我会再买飞支持」

未来音乐祭︳无人睇原因2.素海霖有份被轰「九唔搭八」

另一方面，大家仲留意到AV女优「绘丽奈」素海霖都在名单之上，网民认为素海霖「九唔搭八」，明明是女优，不明白点解请她。不过，素海霖早前与乐队P.R.O.J.E.C.T. 9一齐合作的《只想有人令我呼叫》，至于被轰「九唔搭八」，素海霖回应传媒指自己要有突破，亦多谢音乐祭俾机会，更透露会唱一首歌，其余就同其他人合唱。她更笑指可能未出嚟已经被人嘘，但希望大家给予机会，表示每个人都有第一次，虽然未必熟悉音乐，但会努力同锺意。

未来音乐祭︳无人睇原因3. 门票太贵 接近$1000

《未来音乐祭 TONE MUSIC FESTIVAL 2023》价格分别为Block A单日 $880，两日 $1480，Block B 单日 $780，两日 $1380 。网民指出门票太贵都係其一死因，认为一张门票接近＄1000，但只係得企位，去睇其他演唱会$1000有得坐仲有机会係握手位。叫TONE Music考虑吓唔好定价咁高，觉得食水太深。不过呢点就唔算好多网民认同，认为呢啲骚好多都无得坐，要休息可以坐地下，同埋而家闲闲哋睇个骚都600起跳。

未来音乐祭︳无人睇原因4. 上一次体验太差 全企位太辛苦

另外除咗价位外，都有网民指出上一次的体验太差，同埋今次搞全亚博企位真係考起观众体力，唔係个个观众都咁好体力支撑到成晚「亚博困死喺度咁长时间又冇地方食饭。唔係人人都有咁嘅体力啊」「上次体验好差，所以不了。都唔讲价位先，overrun到失晒预算，所有人9坐，问题你都讲得出，唔再俾机会亦係观众嘅选择。无可能全部嘢啱听你搞全企位真係得啖笑，其他音乐节我都可以走去其他台听吓，而家真係同你罚企咩。」「连续困响两日冇嘢食冇水买，根本就唔应该去亚博搞」

「见到全企位，真係搞唔掂，企唔到咁多个钟」「因为你变咗全企位，时间咁长，无得坐下，问题我一行星开买吓嘢食去吓Toilet我无咗自己个位，迟啲入场又唔得，行开吓又唔得」「咁快唔记得嗱？上年买优先内部飞嗰啲划位划到一pat野咁，去到现场俾你哋当波咁踢黎踢去，我地都讲过只要係你哋主办嘅就唔会再买飞，我哋仲记得呀」「音乐节咁长时间需要场地配合到先有得走动/休息/食饭/chill，但上年感觉完全係被困亚博，唔係果个vibe」

未来音乐祭︳无人睇原因5.举办日子撞亚其他音乐骚

再者，未来音乐祭举办日子在9月30日、10月1日撞正中秋节等假期、而且香港其余场地分别有sukekiyo及LE SSERAFIM演唱会、安孝燮见面会等。不少网友表示会拣睇韩国女团，而放弃未来音乐祭。

未来音乐祭︳TONE MUSIC FESTIVAL 2023详情

《未来音乐祭TONE Music Festival 2023》日期：2023年9月30日、10月1日（星期六、日）时间：16:00-22:30地点：亚洲国际博览馆 Arena门票现已于KKTIX公开发售：https://tonemusic.kktix.cc/events/tonefest23Block A｜单日 $880 / 两日 $1480Block B ｜单日 $780 / 两日 $1380

演出单位：

??.??.???? (??? ?)谢安琪 Kay Tse x The Hertz | 韦礼安 WeiBird [TW] | 岑宁儿 Yoyo Sham x moon tang | KAHO 洪嘉豪 x Zpecial | maniac x Marf@COLLAR | Yack Studio x 摩四青年 | Instinct of Sight | Naked and lay | Jaime 张天颖 • kayan9896 • Kiri T | dessy 守一 • KALAI 家丽 • Young Hysan

??.??.???? (??? ?)安溥 ANPU [TW] | 周国贤 Endy Chow x Lolly Talk | Gareth.T | 艾粒 ILUB x N9 | ToNick | Hardpack | P.R.O.J.E.C.T. 9 x 絵丽奈 x 盐焗鸡 $alty Chick | Invisible Architecture | Novel Friday x 及时雨 Rain In Time | Cloud 云浩影 • Dark Wong 黄明德 • Gwenji | Helen So • 卢华 Lowa • THAIMAY

未来音乐祭︳TONE Music千字文

离未来音乐祭不足一个月，我们暂时只卖出不到三成的门票。

告急？唔敢。但唔告急？似乎已经没有选择了。

自疫情开始，TONE Music 的我们一行人闯了一关又一关，在整个市道低迷的两三年间上天确实待我们不薄，办了不少演出，认识了不少好友，更重要是有你的支持，还实现了我们「胆粗粗」办年度音乐颁奖礼的愿望。

这个 「未来」 都是机会，是突破，是属于我们、属于你们的时代。

然而，正当我们以为新的时代要开始了，现实让我们遇上从未遇过的难关。

想当初是因为疫情为了维生才萌生了TONE的想法，然后一步步得到观众的支持…

因为有你们支持，音乐节由online去到实体；因为有你们支持，我们由Star Hall去到亚博；因为有你们支持，我们还胆粗粗，用音乐祭的收入all in搞个以音乐类型(Genre)划分的颁奖礼。

为的是希望藉此表彰长久以来被游戏机制排除在外、被忽视的创作人及幕后单位，我们认为他们也值得被尊重和认同。话时话，可能好多人唔知，TONE音乐选这个颁奖礼和TONE音乐祭其实是唇齿相依的连体婴，免费睇直播的颁奖礼是靠音乐祭的门票收入去维持，拆开做就是希望颁奖礼不需要考虑票房及保持得奖名单保密和公平。

回想我们这几年在TONE做过好多突破性的尝试，例如 line up 加入乙女新梦等平常少接触的单位、以KOLOR、RubberBand音乐节打头阵、撮合不同音乐单位进行有真正交流的crossover…… 目的也是希望由观众到表演者，都可以睇到香港音乐有更多有质素的可能性。

因为有你们支持，本地indie和次文化渐渐让更多人看见；因为有你们支持，音乐圈开始得到更多人重视音乐性及了解音乐类型；因为有你们支持，电影、电视中出现更多不同音乐创作人的作品；

以上种种对未来音乐圈有重要影响的功劳，其实不属于我们，全部都因为有你们支持才做到的～

当然在实际操作的过程中，总会有不够周到、未能取悦所有人的地方，我们都虚心听取意见，每件事尽可能权衡取捨，

上年饮食排长龙，所以今次增添饮食摊档，有嘢食之外还有足够的啤酒同cocktail给大家尽兴；上年有好多观众离开自己位走上台前，所以今年做全企位仲set埋mosh-pit区让大家跳尽佢；上年overrun问题，汲取经验今年在流程编配会作更好的安排；上年山顶的观众嫌离台太远，所以今年个台打横放，希望拉近观众与表演者的距离；

虽然可能都未能尽如人意，都係果句，继续尽做、落力去做。

票房告急，所以都容许我们hard sell一下吧，如果你未买飞，可以随时到连结买飞，再好点就请邀请多几个朋友一齐来睇show 吧！当然，帮手转发贴文/Story亦非常感激！如果有什么疑虑或意见都欢迎留言或DM我们。

最后想说的是，当初我们用「未来」，是在想无论将来如何也好，你们是我们的伙伴，一起在这遍土地前行！

我们TONE Music 团队会尽全力给你两日美好回忆之外，希望有更多「因为有你们支持」而继续产生对未来有正面改变的蝴蝶效应。

9月30日、10月1日「未来音乐祭2023」，来现场同我们见个面、拎住杯啤酒say cheers，好冇？

TONE团队上

福利视频，稀有资源请前往新站下载：zuisiji.top