不少前微辣艺人已陆续上水，最近有网友在讨论区指，曾被指带头玩杯葛的Doris多姐疑被密友公开她的IG限时动态，指已诞子并感谢好友的礼物⋯⋯

阅读全文

微辣︳多姐诞子感谢好友礼物

微辣「一姐」Doris多姐发生经理人阿晶离世事件后一直未有上水，而近日网上突然流出一张疑似係多姐密友的IG限时动态，影住一堆礼物、气球、花等，气球上写住：「维他奶，我地见面啦」，并表示：「维他奶多谢各位哥哥姐姐嘅礼物」，同时tag上几位微辣成员包括Yelo、Lok b、Lok b老公Alex、Rosalina等。多姐早前曾宣布有咗时，其仔仔名就係叫「维他奶」。其后多姐仲有po出一张好天气的Story。

微辣︳网民：《我推的孩子》！

对于多姐的上水，网民笑言谂起早前热爆动画《我推的孩子》，有套有关转生的故事：「谂起《我推的孩子》」、「啊晶，welcome back」、「小朋友个名以后就叫Jane」、「麦晶维他奶」、「有close friend 都睇唔过眼」。

微辣︳重温多姐疑似回应：真相或者证据係呢刻已经唔重要

阿晶离世之后，网民到各个微辣艺人社交网声讨，为她讨回公道，当中亦包括多姐！网民大闹当年佢老屈阿晶，要求多姐还阿晶清白。昨日网上讨论区流出疑似是多姐的回应，该截图见到多姐头像回应表示︰「对唔住，我哋无好好咁处理件事同埋关心到佢嘅情绪。呢件事发生其实边个都唔想，发生呢件事我自己都未接受到。接住嘅係收到咁多人嘅攻击，我仲未可以好好咁处理自己心情，而且我只係觉得真相或者证据係呢刻已经唔重要了，我当初应该好好地同佢面对面倾，宜家只想Jane安息，对唔住！」

微辣︳网民怒轰毫无悔意！

对于呢个疑似多姐回应，不过，网民认为她毫无悔意，纷纷批评：「真相同证据唔重要??因为理亏嗰个係你吖嘛??」、「咩叫真相证据唔重要， 好X重要wo」、「乜嘢道歉嚟㗎 仲係以自己为先」、「咁有乜野重要?要扮无事，比你地继续搵钱先至係重要?」

3年前2人一起拍的旧片，网民翻出表示难过：

微辣︳抢Job罗生门

2022年1月，多姐IG出文称阿晶已离开微辣，希望品牌不要把公关物品寄错地址，其他成员亦有分享此帖文，正式向阿晶各走各路！由于阿晶亦有出po宣传公关物品，因而被指抢job，她其后亦有贴出与公关的对话，有图有字去证明自己没有抢job。阿晶亦在群组上载与Doris的对话，内容是阿晶强调没有抢job，希望对方拿出证据，否则还她清白。其后不少网民闹多姐的不是，她就大爆金句：「潮退就知边个冇着裤啦。」

疑前微辣员工爆料：Doris、R、Lokb带头玩杯葛

唔少网民涌到微辣艺人的ig留言控诉洗版，其中一位微辣后製「糟糕王」的IG都唔例外。有一位自称係「睇唔过眼的前微辣员工」就爆料3大真相！第一点，当时阿晶「抢job事件」指係2姊妹（应指家姐佩男、阿妹思男）去搵六毫子投诉阿晶；第二点，再爆疑3位女艺人Doris、R、Lokb带头玩杯葛阿晶；第三点，更夸张的係如果边个like咗Jane last day张相，仲会俾高层照肺，指呢个行为係背叛公司！事后有网民质疑无证据，亦好意外R、Lokb有份参与。

福利视频，稀有资源请前往新站下载：zuisiji.top