TVB台庆剧《新闻女王》播出以来话题多多。近日《新闻女王》女主角佘诗曼、总监製锺澍佳兵分两路接受访问。佘诗曼不但大谈自己大谈背剧的独特方法，仲自爆自己返屋企唔落妆的特别原因。锺澍佳接受JCR树仁新传电台访问，大爆鲜为人知秘密。以下就为大家整理了《新闻女王》7大你不知道的事！

阅读全文

盘点《新闻女王》7大你不知道的事！

1︱佘诗曼返屋企唔落妆？

佘诗曼早前接受新城电台访问，坦言《新闻女王》剧集有大量的资讯性对白，所以每次一回家都不会去落妆，反而坐在书桌前先背好台词：

「我唔会去落妆亦都唔会去沖凉，我都係睇晒听日嘅嘢先，起码要go through一次有冇咩重要场口，有咩好难讲，如果有就背咗先，等我可以利用沖凉呢嗰时间继续背。因为真係冇时间，宁愿瞓多三个字，用埋沖凉嗰三个字去背稿。」

2︱佘诗曼自爆独特背稿方法

佘诗曼续指在拍摄期间一到休息时间，都会继续翻读剧本，并且自爆一个由《宫心计》时期已经开始採用的独特背稿方法：

「我有一个习惯，因为厂有好多纸，我就会背默下一场戏，所以作成间录影厂都係我啲纸。我觉得背默会容易记到对白。其实我《宫心计》开始已经係咁样，会容易入脑好多。」

3︱原本係拍电影？

至于《新闻女王》 总监製锺澍佳在接受访问时就指当时想将《新闻女王》剧本拍成一部电影，并忆述当时为何想开拍《新闻女王》的原因，锺澍佳表示：

「其实我第一个谂到《新闻女王》第一场戏就係第8集讲「Man姐」当年为什么会成为『新闻女王』嗰场戏，嗰场戏係《新闻女王》成套剧谂嘅起点。就係当你预到一个犯，你会选择拍定係唔拍呢，你会唔会报警？我就谂到呢场咁嘅戏，同埋零零碎碎嘅场面、后面嘅一啲剧情，我就觉得可以变成一个故仔，之后就搵咗刚刚毕业开Sonia（卢咏诗）写继续写。」

4︱「Man姐」真有其人？

《新闻女王》内容涉及新闻理论、新闻道德和社会问题等多个方面，监製锺澍佳表示团队在写剧本之前都会做足功课，选择去报道哪一条新闻。佘诗曼剧中角色「Man姐」被指似前新闻主播方健仪，莫非真有其人？故事原创人卢咏诗更表示为了故事的真实性，曾经试过去考主播：

「本身读书已经有好多知识，但都係未出嚟做嘢。当时我自己都希望可以做主播，所以我就决定选择去考做主播。我想去了解电视台是如何运作，我係感受到成个新闻台嘅气氛係好紧张，所以其实呢套戏是呈现到当时嘅真实情况。」

「毕业嗰时我就係刘艳 ，工作一段时间之后我就好似张家妍 ，而家要迈向Man姐 。」

5︱电视台SNK命名有原因！

电台主持人问到为何《新闻女王》中的电视台被名为「SNK」，总监製锺澍佳笑指：

「真正原因其实係因为我改唔到名，因为我哋用呢啲名之前，要查过嗰版权先。我哋团队用咗一个礼拜时间发现，呢个地球上可以用三个字母拼埋一齐嘅电视台基本上係已经用晒，所以我哋只能够用宜家呢个『SNK』。」

6︱ 男女主角原型係「佢地」？

《新闻女王》原着故事为原着故事创作人卢咏诗就读树仁新传系时所写 ，卢咏诗指原来一开始男女主角原型并唔係马国明和佘诗曼，卢咏诗坦言：「嗰时写Man姐嘅角色係叫做文姐，我就谂住邓萃雯去写；George呢个角色係谂住林保怡去写，本来叫Bowie。」其实早有不少网民指邓萃雯饰演争权戏得心应手，邓萃雯给人印象比较强悍，比佘诗曼更加适合出演「Man姐」一角；而马国明就一出场就被网民狠批唔够奸，演技超班，又曾经在多套作品出演奸角的林保怡就更加适合「首席男主播」梁景仁一角。

7︱马国明适合做「李奇」

监製锺澍佳多年来作品无数，其中《难兄难弟》系列为其最经典的作品之一。当主持人问到假如《难兄难弟》开拍第三季，罗嘉良和吴镇宇决定不出演的话，会选哪位男演员当任「李奇」和「谢源」两角时，锺澍佳表示：

「我有谂过如果要再拍嘅话，我会觉得马国明适合做『李奇』，你唔好睇佢係《新闻女王》入面咁奸，其实佢本身就『天然呆』，好『李奇』啊！」

福利视频，稀有资源请前往新站下载：zuisiji.top