《新闻女王》在昨晚（12月21日）焦点剧情是当年在贼王案头部中枪的警察梁伟强（林景程饰）原来并未死亡，更于十年后奇蹟地甦醒，Man姐（佘诗曼饰）因而被邀请前往警署助查，其中林景程的出色演技令观众留下深刻印象！

阅读全文

林景程获网民讚情感到位

梁Sir甦醒虽然令Man姐终能释怀，但同时亦成为佐治（马国明饰）打击Man姐最强武器，他先漠视梁Sir意愿以连串引导性问题引导对方讲出对Man姐不利的一句：「我行唔到，精神差，讲唔到嘢」，再将Man姐当年在贼王事件中极具争议性的一句说话：「记者唔应该介入现场，报导先至独立客观」一併在新闻时段播出，摆明带领对Man姐不利风向…事件曝光后，Man姐人间蒸发，佐治则找来陈子杰（谭俊彦饰）务求挖出进一步对Man姐不利材料…

对于梁Sir奇蹟「回归」，不少网民大感惊喜，相关场口对于今年有份提名飞跃男的林景程更是一大挑战！由于梁Sir脑部中枪兼昏迷多年，甦醒后不但状态苍老、活动能力近乎零，平时主力靠「眉头眼额」表达自己之余，只能应付简单对答，并要费尽力气才能逐个字「戥」出来。昨晚梁Sir接受佐治访问时，便因极度用力想表达自己导致颈都红埋！景程受访时坦言为了演得更有说服力，正式拍摄前做足功课，并为了掌握「说话节奏」在家一有空便反覆练习：

「因为个角色需要讲好多对白，好容易就会因为想快啲交代啲嘢而讲快咗，所以一定要好狠心去投入角色，令到个角色讲嘢时无论如何都要持续地慢同弱。」

林景程揭角色最大难度是忌心急作状

身为物理治疗师的林景程除事前做了不少资料搜集，更仔细到连肌肉协调也列入研究範围：「主要参考番脑创伤或中风病人嘅个案，始终梁sir爆过头又昏迷咗咁耐，应该有一个好大嘅痕迹，可能係瘫啦又或者完全讲唔到嘢。呢个角色讲嘢要好lur、好费力，好似谂到只字但因为嘴部肌肉协调唔到、要好大力谷个字出嚟。」景程续指角色难度是不能Over：「喺肢体形体上基本上我冇乜戏可以做到，因为要郁唔到，唯有靠多啲面部表情、眼神同声线去表达，呢个反而最难掌握，惊拿捏得唔好会变咗作状。」

林景程约Man姐饮茶 泪点爆灯

景程还感激佳导一再为他细心解读角色及fine tune造型，令其更易入戏。今晚，梁Sir将与Man姐有一场极重要场口，事缘梁Sir约Man姐饮茶，Man趁机真诚致歉之余并递上支票希望予以补偿：「我一个错误决定搞成你咁样。」梁Sir回应的一番话则泪点爆灯：「我约你唔係要赔偿，我要接受现实，冇得怪人。我昏迷咗，但我知你成日探我，追唔番就向前望，我昏迷十年，你十年瞓唔着，计落都算打和。」

阿佘拍喊戏一Take搞掂

谈到相关场口，景程直指对Man姐佩服得五体投地，除为帮助对方畀足戏外，更是对情绪掌握挥洒自如：「以我嘅程度係觉得拍喊戏係好难去hold个感情hold得好耐，但Man姐係hold得耐得嚟又好完美。呢场戏係拍咗我先，Man姐虽然只係镜头后帮手畀戏，但我一路讲对白都一路见到佢含晒泪光、差唔多喊出嚟咁。咁我当时就即刻尽快做好自己嗰Part，等大家快啲转机位拍Man姐，而Man姐正式演时佢嘅眼泪情绪比之前更加有、更加靓！我觉得真係好犀利，呢场戏Man姐係一take过，好开心同有幸可以同咁顶级嘅演员对到一场戏，见识到一个顶级演员係可以咁样将个情绪去运用。」

福利视频，稀有资源请前往新站下载：zuisiji.top