一年一度叱咤乐坛流行榜颁奖典礼圆满结束，奖项花落谁家亦成大众讨论焦点。今年姜涛压轴拎「我最喜爱的歌曲」，一举成为四连霸。去年姜涛「扫扫扫」表演失準惨成网民笑柄，杜汶泽亦撰文勉励姜涛获姜糖贴堂广传。一年过去，杜生再次挥笔，无惧镜安法，中肯道出「姜涛要减肥」以及要放假沉澱！

阅读全文

杜汶泽建议姜涛应该放假：至少半年或一年

杜汶泽的文章提到姜涛身心健康，过去姜涛身型多次反弹成为网民关注的地方，杜汶泽指姜涛现在的肥是「压力肥」，建议他应该放假，至少半年或一年，「做乜？无呀，减下肥，打下波，去外国生活下，唔上跳舞堂唔学唱歌，可以学下其他嘢吖咁后生。不过唔建议去美国XX刬乜嘢都加芝士加烟肉分分钟返嚟仲肥。」

杜汶泽开门见山：佢真係肥

杜汶泽不怕被指抽水亦要说出真心话，开门见山咁讲：「佢真係肥。我无资格笑人肥我自己都肥到只猪咁不过我比较传统，觉得偶像唔应该肥，自己都唔会开心啦！我觉得佢呢种肥可能係「压力肥」，所以我关心嘅係佢嘅心理。係呀，我好多事咖！大家都係人，如果唔係太蚀底嘅，我多数都会关心吓。」

杜汶泽：每个偶像一红就会好大压力

对于姜涛呢位后辈，杜汶泽忆述好多年前曾在电视台偶遇他的经过，「佢係一个好有礼貌嘅小朋友，好可爱。但係而家见唔到佢呢种笑容。其实每个偶像一红就会好大压力，呢个係定律…人就係咁㗎啦，唔适应吖嘛！陈冠希咪又係咁，乱X河马，而家同个女几温馨呀。」

直指盲撑盲反无好处

他认为haters盲目攻击或姜糖疯狂保护，对姜涛都没有好处，对他们的人生亦没有营养。

「至于行内人，10个有9个都唔会讲真说话，啲老鬼见到你咪擦鞋啰，对外猛讚你搏你啲fans都锺意佢呀嘛，对内又唔敢得罪你。伙计就更加唔会出声啦，好似刘德华咁，成日着条吊脚裤鬼咁核突，围住佢嗰啲擦鞋仔个个都话靓呀靓呀，咁佢咪信啰！边个够胆讲真说话㗎？死咗啦。所以佢啲同事一定同佢讲：『你已经瘦咗好多啦！加油啊！』」

劝姜涛休息沉澱再出发

杜汶泽最后总结，认为姜涛好惨，若真是爱护他就应该劝他休息。

「畀自己一个沉澱嘅机会，放鬆嘅空间，将来可以走更远嘅路，一年半载返嚟点会俾人抢咗个位啊？香港都冇人！」

网民留言：今次讲嘢几公道

文章一出，不少网民留言指：「讲得好！非常正确」、「阿泽我帮你顶一阵….你走先快的走呀」、「铿锵有力掷地有声！」、「今次讲嘢几公道」、「要做明星，你唔keep好自己真係你唔专业」、「佢以前攞奖都会有笑容，有惊讶既表情，真係用心讲感谢大家，睇得出佢係开心 琴晚啲表情古古怪怪，真係好似有情绪病咁」。

杜汶泽去年不点名勉励分享对付Hater 心得

杜汶泽在社交平台分享了应对「Haters」的心得，虽然没有点名回应姜涛事件，但其内容仿如雪中送炭，令到不少姜糖感释怀！一开始直接断言「一个人出来行走江湖，根本不需理会 haters 。」

人生总有对错，你又不是圣人，善事、恶行，都有做过，大人做大事，办事越多，自然有好有坏，不可能事事完美。但到最后，只要你利益过某些人，尽量给自己和家人过好日子，没有立坏心肠，这样就Ok啦！

杜汶泽：haters 只是刚巧路过你山脚的怨妇而已

杜汶泽又说到 haters 「无事生非」的特性 「至于haters ，回顾一生，你去问他们做过些什么？他们会说：『我有在网上留过言。』这和没有人生有什么分别？所以，不要恨 haters，你要做的事还有很多，至于他们，只是刚巧路过你山脚的怨妇而已⋯⋯」

最后他又引用《正义迴廊》电影金句作结：

你憎我啦你憎我啦我无问题㗎！

福利视频，稀有资源请前往新站下载：zuisiji.top