歌唱真人骚《香港李衆胜堂保济丸呈献：中年好声音 2》，昨日初二（11 日）晚翡翠台播出，节目由车婉婉担任主持。昨晚一集是第九部曲《陈慧娴金曲赛 喜气洋洋贺十二强！》下半场， 有肥妈、伍仲衡、张佳添、周国丰和陈慧娴担任评审。经过一轮激战，越唱越强的谭辉智获得 93 分第三度获得 MVP，王玥和刘可被淘汰。

阅读全文

肥妈感叹三十几年冇同屋企人过年

实力唱将谭辉智献唱《归来吧》，辉智凭住真摰的歌声将曲中的寂寞、委屈和思念等情感发挥得淋漓尽致，肥妈被他感动得毛管戙兼爆喊，最终辉智获得全集最高分 93 分，张佳添更献出首个 20 分。对于辉智演出，慧娴大讚：「你係后起之秀，成为四大天王其中一位！你呢个男仔 Version 我好满意，呢只歌好难唱，但你完全挥洒自如。」肥妈讲评语时再度落泪：「我哋成日出去做嘢，除咗疫情，我三十几年冇同屋企人过年，佢唱出咗嗰种感觉（离乡别井），我嘅感受比任何人都深，你唱时我已经喊同毛管戙。」献出 20 分的张佳添说：「你将我第一次嘅20 分攞走咗，畀你 Touched 到，无论係你嘅声线定係表情，感受到好想家嘅感觉。」周国丰笑言：「点解你靓仔咗咁多，又偶像又有实力。」勇夺 93 分的辉智最终第三度获得 MVP，负责颁发 MVP 的慧娴说：「佢令我好 Surprise 同估唔到，佢将一只女仔歌变成咁费玉清！」内敛的辉智笑言：「想多谢 Rita 老师（韦绮姗），人生第一次学唱歌就係 Rita 老师教，学咗好多嘢，同埋多谢添 Sir 畀咗 20分，我惊今晚瞓唔着。」

14 名选手演出完毕后，同样获得 79 分的刘可和陈蒨葶、以及获得 75 分的王玥留在危险区，王玥因为获得最低分关係毫无悬念被淘汰，刘可和陈蒨葶「边个有得留低」则要评审团退庭商议，最终刘可被淘汰，宣布结果的张佳添坦言：「呢个绝对係好困难好痛苦嘅决定，都有啲伤感，要离开嘅係刘可，由第一集你畀到我哋惊喜，到中间畀到啲好正、有啲争议性嘅演出，其实你係一个真正嘅 Artiste，你要继续唱歌，唱多啲好歌。」而被 Foul 的刘可未有太大伤感，继续保持正能量，他说：「好庆幸企喺呢个舞台，始终我太耐冇唱喇，咁多位都好犀利，呢一刻我都好开心，唔係好伤感。今次最开心係可以见到陈慧娴老师，虽然今次呢只歌唱得有失水準，但好想同你讲你係我毕生嘅偶像，最后仲要多谢我嘅屋企人、Fans 同埋朋友，係我最大嘅 Back Up。」

昨晚 12 强名单正式诞生，分别是（排名不分先后） 郑梓浩、陈俞霏、陈蒨葶、林若盈、安雅希、颜米羔、沈宗贤、陈燕娜、古淖文、黄剑文、刘威煌和谭辉智。

福利视频，稀有资源请前往新站下载：zuisiji.top