ViuTV的30集长剧《飞黄腾达》播出至今都有唔少劣评涌现！即使有女神苏雅琳（Ivy So）担正都冇用，有网民在社交平台齐齐大数5大死因，连死忠Fans都表示睇到顶唔顺呀！

阅读全文

1. 主角选角出事 「波仔」黄浚铭最犯众憎

今次《飞黄腾达》有别以往ViuTV剧集，没有资深演员担任重要角色，全由新晋演员担大旗。不过网民们就认为一班新人包括Ivy So、黄浚铭（Boris）等人都演技未够班，其中网民就认为「波仔」黄浚铭演技最差，更指24岁的波仔同57岁的邓兆尊撞样！

其角色设定都睇到网民好烦躁：「无㗎喎，你搵个邓兆尊嚟做男一衬Ivy So，点睇得落呀？！」、「水皮咁嘅料都可以做主角，就知呢套剧冇质素，可以弃剧去Netflix煲剧了」、「搵波仔已经输左啦，佢直头係败剧嘅其中一个关键」、「想捧红班年轻人但係不成气」、「点解viu今次弃用旧有策略，以旧演员带新演员，成班新人都交唔到戏，两个主角又无对手戏，群演几条友又係得个嘈字」等。

2. 角色行为不合理 「搵部平板都搞成集」

除了一班新晋演员演技麻麻之余，剧中的人物设计都亦大多都不合理。网民都纷纷留言指：「Ivy So觉得自己用美色去收风，就係好努力？想做投资人，靠收风就得？」、「波仔又唔知做乜，沉咗就帮到院长？个人物性格都唔通嘅？」、「呢两晚个个好似集体发神经咁」、「第一集喺会场开头，净係兜兜转转搵部平板已经睇到有少少炆，觉得角色行为唔係太make sense」、「开头叫做新鲜，做做下变左胶剧，跟本完全唔合理，人物变化仲胶过大台」等。

3. 「虚拟投资」主题离地唔吸引

《飞黄腾达》剧情以一众主角齐齐参与「飞黄腾达投资大赛」投资比赛真人秀，每位参赛者都会获得100万虚拟货币，一众参赛者都会在指定场地斗个你死我活。网民们认为比起演员和角色问题，编剧和故事线的问题更大，并认为编剧没有好好运用「金融」此题材：「呢套野题材，所涉及投资 投机 以及金融界污秽事情连最低门槛都有排未到，很难讲得上真正「贴地」。

而想抽水「金融事件」条件都唔见有，要令观众共鸣有一定难度记住：「你以为讲股票，原来係「虚拟投资」，比赛真人 show 欠缺真实世界资料支撑，变咗个个对住个 mon 一堆 number 炒上落发神经」、「只成套剧无讲过点睇数字，净係收风，都叫投资人」、「想热血又唔喺，想完梦又未到位」等。

4. 剧情不断重覆同一套路

网民除了认为「虚拟投资」主题离地都算，就连剧情安排都千篇一律，不断重覆同一套路：「开头比赛，次次live 前都有事，次次都拖时间」、「然后次次最后一秒都冇事」、「然后有大半集係Ivy So 啲拍档不停虾碌浪费晒时间」等。

5. 30集太长太拖戏 剧情突然暴走

《飞黄腾达》无论角色定剧情都不够吸引，令到网民都更加觉得全剧有30集实在太长太拖戏，更有不少网民认为《飞黄腾达》由第三个星期开始剧情就开始大暴走：

「我想问係咪仲有十三集要捱？呢两集拖戏拖到呕。头一星期都仲好地地….而家个个变onX係咩事？」、「好心ViuTV 就米鬼拍20-30集啦」、「去到第三星期已经怪怪地。今个星期讲迷失但无咩内容。似柯屎唔出咁係咁磨黎磨去」、「呢两晚个个好似集体发神经咁」、「比较闷，做黎做去集集差唔多咁」等。

製作团队超强大 今次拍30集却老猫烧鬚

今次《飞黄腾达》的製作团队非常强大，监製张志光、陈淑贤前作係2019《男排女将》，同样是人多势众的群戏，但由邓丽欣率镜仔主演的20集排球剧被捧为ViuTV十大神剧头五位，亦算是开拓了「体育剧」定位，今次转换了题材结果不如预期。

至于导演黄頴珊和陈贤俊在行内都有超过20年经验，二人同为无綫幕后出身，曾参与拍摄 《冲上云霄》、《天涯侠医》及近年好评作品《不懂撒娇的女人》、《爱上我的衰神》等，拍过的ViuTV剧有《男排女将》和《野人老师》，估唔到今次处理30集长剧搞到一镬泡。

福利视频，稀有资源请前往新站下载：zuisiji.top