娱乐圈再传喜讯，黄美棋与交往11年的男友锺健威（Ray）于今日（6日）喜结连理。二人在西贡五星级酒店举行超豪华婚礼，更邀请多位圈中好友到场分享喜悦，一对新人更肉紧激嘴，甜到爆炸！

阅读全文

黄美棋锺健威婚礼肉紧激吻

黄美棋和锺健威二人结束11年爱情长跑，终于在今日（6日）举行婚礼拉埋天窗。新娘子黄美棋今日一身打扮都非常富贵，左右手各两只流星锤龙凤鈪，另一对则璀璨挂颈，身上足足有三大对龙凤鈪，够晒抢FO。星级的兄弟姊妹团也为婚礼增添了不少光彩，包括林淑敏、李霭玑、HOY TV一姐卢颂恩、黄芳雯及虞逸峯等，都到场为黄美棋送上最真挚的祝福。其中最吸睛的环节一定就是在接新娘环节时，黄美棋与锺健威肉紧拥吻，肉紧到新娘子连头饰都跌埋。

黄美棋大解放晒汤碗胸 大爆生B大计

在接受传媒访问时，黄美棋换上一身中门大开的纯白色低胸晚装，大骚「汤碗胸」加白滑美背，非常养睛。当被问到生B大计时，黄美棋自爆曾经有谂过想追个龙仔BB：「我本身都谂住还掂都係追，不如追个龙仔，跟住佢帮我计，话我哋四月六号结婚，姐係四月六号要有咗，好急喎，所以都係放弃咗龙B，但我哋都係顺其自然啦。」

黄美棋婚礼前夕派大礼 大骚超深长事业线

黄美棋早在婚礼前已经为网民派大礼，大骚超性感婚纱相。从美琪BB上传的婚纱相中可见，美棋BB穿上一套桃红色长裙华丽晚装示人，大骚超深长事业线，相当吸睛！美棋BB表示：「唔觉唔觉时间过得咁快～原来得番几日咋🙈🙈 can’t wait to see u all原来婚礼前真係好忙架～结婚嘅前奏就係同大家share下我地嘅靓相～」不少网友激讚：「靓靓靓呀！」「你们两个好似样，好有夫妻相」「最靓又最索嘅新娘」。

黄美棋结婚｜点解我咁幸福

黄美棋去年生日在IG公布喜讯，原来其男友锺健威（Ray）以为她预祝生日为由，在亲朋好友的见证下，向她惊喜求婚，结束两人近10年的爱情长跑，黄美棋以长文抒发感动的心情，并大讚未婚夫Ray的各种惊喜安排「完美无瑕」，给了她一个难忘的生日：

Dear 未婚夫 Ray :

我哋出年真係结婚啦💍❤️多谢你为我安排嘅呢一个惊喜party 🙈原本无谂过要特别搅生日…所以见到d朋友同屋企人嗰下真係好感动🥲到咗切蛋糕嘅时候，竟然仲有一个神秘嘉宾🕊️嗰下真係真係好开心亦都好感动，因为你竟然安排咗个气球带住只我地只求婚戒指飞埋嚟🙈🙈我无谂过你会记得我讲过好得意…好锺意😆😆一晚入边喊咗几次🥹🥹但係全部都係幸福嘅眼泪🥰好多谢大家对我地嘅宠爱…我真係觉得自己好幸运好幸福…成长嘅阶段，分别遇到身边嘅每一位❤️～我切蛋糕嘅时候…手都震埋心入边谂…点解我咁幸福…所有屋企人、好朋友、重要嘅朋友都好锡我…我心入边默默祝福你地每一个都要身体健康，事事顺心☺️人大了，已经唔係好在乎自己几岁…重视嘅身边嘅人过得开唔开心健唔健康😊未婚夫，多谢你嘅精心安排🥰我哋终于唔使守秘密啦😂多谢你安排咗呢个咁难忘嘅生日俾我，多谢你由搵地方、偷偷联络我嘅屋企人、朋友、买花、搵decor布置、安排座位、扮做嘢出去先，今次样样都完美无瑕，我真心要俾个叻你👍🏻今次你係劲嘅🥳🥳冇乜特别嘢可以报答你，只能用我嘅余生去继续烦死你😂以后我地要继续相亲相爱😘继续去创造属于我地嘅未来❤️

未婚妻 美棋上

✨最后我要再次多谢噚日有出席嘅所有朋友讲声，多谢你哋一直陪住我成长～多谢你哋对我嘅爱❤️

黄美棋老公｜锺健威：多谢妳选择了我

锺健威亦以「未婚妻」称呼美棋BB，并透露明年就係两人相识10周年，又爆出原来他早在两年前已向美棋BB求过婚，仲开启不停「多谢」模式，逐一讲出今次再度惊喜求婚的筹备过程：

Dear 未婚妻Meiki✨生日快乐🎂🎂🎂

出年就相识十年喇～今个生日就为妳搞得隆重一点点齐集妳最爱嘅香水玫瑰西瓜蛋糕汽球布置同埋我！邀请妳屋企人及最好既朋友一齐给妳惊喜然后再给朋友们另一个惊喜～我带上两年前的求婚戒指再为妳戴上！宣布我地，出年结婚喇✨✨✨

多谢妳嘅信任可以俾我借工作之名出去做筹备

多谢妳锺意留喺屋企可以出去买花睇礼物唔怕撞到妳

多谢妳睇电视话我知钟意个摇控汽球装置可以俾我谂到只戒指嘅出场仪式

多谢妳教我用淘宝可以俾我搵到架摇控飞机汽球

多谢妳无话锺意嗰间遥控气球装置酒店可以俾我悭返10万蚊

多谢妳有轻轻化个妆着条裙可以唔怕俾妳事后埋怨我

多谢妳平时对待朋友有情有义能够个个一口答应俾我咁顺利约到佢地

多谢妳开启咗连环感动模式开心嘅泪水令我哋都觉得好感动

多谢妳肥喺其他地方而无肥喺手指到可以隔左咁耐仲戴得落

多谢妳笑得咁开心妳开心我就开心！

最后多谢妳选择了我！I Love You❤️

黄美棋结婚｜2014年拍旅游节目挞着

早在2014年，美棋BB与锺健威就因合作拍摄有线旅游节目《好想恋爱三藩市》而传出绯闻，但直至2016年，两人才正式公开恋情，当时两人早已认定对方，计划过三年后结婚，更想举行海外婚礼，但被疫情打乱了他们的结婚计划。

经典作：2016年台湾旅游「挂鼓放闪」

黄美棋自2016年公开与锺健威的恋情，之后两人就不时公开放闪。最经典是两人在2016年去高雄垦丁放暑假，于多个景点前自拍片玩「反转筋斗抱抱」，并拍下甜蜜短片于网上发布，现在就一齐逐格重温：

黄美棋结婚｜锺健威 曾组乐队sp’ACE

现年38岁的锺健威是前有线电视娱乐新闻台主播，由2007年做到2014年离巢，期间曾主持过《快乐地球》、《潮食男女》和《乐坛第一手》等节目。同时他也做过歌手，曾与《中年好声音》冠军周吉佩组过乐队sp’ACE，锺健威更是乐队主音，但乐队现已解散，早前周吉佩接受访问时，坦言乐队是不欢而散，部分兄弟更已反目。

黄美棋 6岁开始做童星

1989年出生的美棋6岁就接拍第一部电视剧，至今已入行28年，先后参演过超过50部电视、电影，包括《壹号皇庭IV》、《创世纪》、《陀枪师姐IV》等多部经典剧集，1998年更演出了周星驰的电影《行运一条龙》，戏中「小芬女」一角令人印象深刻，之后美棋专注学业，暂别娱乐圈。

但后期在美国读书的期间因为在社交网站上流出了一张她与朋友外游时拍得「激凸」身材照，再次成为网民热话，完成学业后回归演艺圈，因为童颜加上姣好身材而获得「美棋BB」称号。

黄美棋进军饮食业做老闆娘

2019年黄美棋与美国读书时的室友一同合资七位数字开设台式餐厅「大茶饭」，不足一年已回本。翌年她再跟男友锺健威于台北中山区各投资六位数，开设四层的港式餐酒馆「楼上见」。之后黄美棋再投资开设了多间分店，扩张饮食版图，成为「疫市」奇蹟。

福利视频，稀有资源请前往新站下载：zuisiji.top