福利视频，稀有资源请前往新站下载：zuisiji.top

清谈节目《MORAZ 天然草本驱蚊灵呈献：Mayanne 小喇叭》由麦美恩（Mayanne）担任主持，曾展望（GM）担任助理主持，今晚（19日）10 点半翡翠台播映最后一集。阅读全文

今晚一集，Mayanne 邀来林盛斌（Bob）、朱咪咪、吴若希及袁伟豪（Ben）担任嘉宾，大谈「襟捞」定义兼八卦地狂数三名「襟捞」型男，分别是郭富城、碧咸及陈豪！事缘阿 Bob 谈到「愿意合照」是艺人襟捞其中一个準则时，Mayanne 兴奋地大谈与碧咸的一次同台经历：「当时我做 MC，安排紧啲客同碧咸影相，佢就拧转头同我讲『Would you like a photo as well？』」随即引发全场尖叫，城城则获阿 Bob 点名讚「合照来者不拒」。阿 Bob 又谓「愿意合照」其实是艺人绝佳公关：「嗰个人搵你影相，係因为佢锺意你，佢咁同你影第一佢好开心，第二可能放社交平台讚吓你。」阿 Bob 续指农夫亦相当识做：「有时面对一啲新人或业余主持人，佢哋上台前会问製作单位位主持叫咩名，上到台就会叫嗰个人个名，个主持人就觉得受尊重。」即场被票选为「襟捞」代表的阿 Bob 及咪咪姐，更大方分享演艺界「襟捞」金科玉律，密切留意。

袁伟豪成功过渡看淡负评：最好唔好讲嘢

至于被即场票选为「唔襟捞」代表的吴若希，及举手自认唔襟捞的阿 Ben，亦先后获机会「自辩」。其中自与太太张宝儿结婚后饱受不少负评的阿 Ben，直认当初确实介意，但现在已看化：「我觉得你可以有自己睇法，但最好唔好讲嘢，唔好喺网上表达自己意见，就算好简单讲句『我唔锺意』，每个人接收你嗰句唔锺意都有唔同睇法。」、「其实普遍大部分观众都唔认识我，同时仲会对我多咗个睇法，自己喺工作上努力咗咁多年会觉得唔抵；为头家点点点，到头来都有网民对你有另外睇法。当然嗰个係一个阶段，呢刻你问番我，人生其实几咁美好，生咗小朋友又可以同小朋友玩，亦冇咁在乎得失同人哋评价，咁其实就冇嘢。」阿Ben 说毕，Mayanne 及现场嘉宾即争相指他放鬆了不少，对此阿 Ben 搞笑谓：

「如果咁都唔鬆，真係唔使再捞喇！」

吴若希亲解颁奖礼 Over 举动背后真相

四位嘉宾还大派花生，Mayanne 重提吴若希当年在《劲歌金曲》颁奖礼中，当宣布菊梓乔获得女歌手奖时，如何 overreact 令全场爆尴的往事：「我喺个台度心

谂：『吴若希你收敛少少好冇呀？你兴奋过得奖嗰个，唔该你坐番低啦！」』吴若希即解画谓：「因为我好紧张，当刻我心谂我未够班，千祈唔好颁畀我呀，我攞咗又要畀人闹喇。」Mayanne 续指当时大会司仪都在台上盘数如何为吴若希打圆场，咪咪姐闻言即搞笑搭嗲：「点兜啫，做到咁出面！」Mayanne 继续「针对」若希谓：「我成日怀疑点解佢仲喺呢行，佢成日辣着网民，我同佢影合照放社交平台，啲人会喺我度留言问我点解仲同呢个人做朋友。」并指若希出事原因是经常「公审」老公，咪咪姐闻言劲惊讶：「呢啲私隐做乜摆上网？」到底自封「小辣椒」的吴若希会点样回应？

至于阿 Bob 的大型花生，就是当 Mayanne 问他接 Job 有没有底线时，他揞名爆曾推掉一部三级片，随即惹起哄动，阿 Bob 更会娓娓道来当时推却邀约的真相！之后若希追问：「如果搵你好似黎诺懿要露半个 pat pat 呢？」阿 Bob 竟爽快以五个字答案回应，到底又是甚么？另阿 Bob 还亲述曾亲自回应网民负评的往事，最终成功将嬲到爆粗留言的网民最后变成留言为阿 Bob 打气，打底阿 Bob 如何以奇招化解戾气？密切留意今晚最后一集《Mayanne 小喇叭》。