福利视频，稀有资源请前往新站下载：zuisiji.top

由王伟仁监製、林丽媚担任编审的《神耆小子》，由 5 月 6日起逢周一至五晚九点半翡翠台播映，主要演员包括郑则士、冼靖峰、萧正楠、樊亦敏、曹永廉、傅嘉莉、罗毓仪、鲁振顺、吴子冲及袁洁仪等。阅读全文

由「肥猫」蜕变老虎狗

《神耆小子》由两届金像影帝得主郑则士（Kent 哥）伙拍剧集界新丁冼靖峰（Archie）携手演出，故事讲述白手兴家的零食集团「劲威威」CEO 钱大海（郑则士饰），由于硬净成性，无论在商场或屋企均是「有佢讲冇人讲」；面对大海的高压手法，儿子继来（曹永廉饰）、女儿有方（傅嘉莉饰），及情人知己洪玫瑰（樊亦敏饰）表面言听计从，实则各有各阳奉阴违，大海对三人亦存有极大疑心，经常以遗嘱作为威胁三人筹码…一天大海上班途中突遭绑架，绑匪声称是其家人指示，自此「查找绑架叛徒」风波一触即发，偶尔路过绑架现场的赵一鸣（冼靖峰饰）在「冇得拣」的情况下成了大海私人侦探，并遭威逼收留大海；岂料回到家竟发现父亲子勇（萧正楠饰）与大海有陈年血海深仇；主角们错综複杂的关係、配以出乎意料的剧情发展，及充斥抵死斗气金句的场口，轻鬆惹笑之余不失悬疑。

1974 年已开始为无綫拍摄剧集的 Kent 哥，演出过无数经典影视作品，当中最为人津津乐道的角色绝对是肥猫，当年 Kent 哥亦是因《肥猫正传》与《神耆小子》监製王伟仁（Simon）结缘。为了凸显 Kent 哥钱大海一角的霸道，Simon 专诚为其设计了「老虎狗」Image，并大讚认识了近三十年的 Kent 哥易话为，亦是整套剧集的灵魂人物，Simon 说：「只要 Kent 哥喺度，所有演员同台前幕后都会宁舍开心同埋专注。Kent 哥有一样嘢真係几十年都咁专业，就係佢永远唔会迟到、仲例必比通告时间早半小时到做準备，好值得欣赏。」

冼靖峰激讚郑则士：呢啲前辈边度搵？！

另一亮点是演戏演足 50 年的 Kent 哥，是次主要对手竟是剧坛新丁 Archie，虽然二人演龄差距颇大，但演出却一拍即合，在连场与 Kent 哥的互抛场口，Archie 不但「戏势」顶得住，就连涉及劲多 IT 专有名词的对白亦应付自如，值得期待，Archie 受访时笑言全靠 Kent 哥贴身指点，并细数 Kent 哥 3 大暖心行径，首先是教讲对白加揣摩角色，然后是近乎 24 小时贴身指导及慰问，第三点则是乐于与后辈分享人生经验：「由 Day 1 去到最尾嗰日，Kent 哥都係教紧我嘢，佢知我演戏经验好少，佢唔单止教我讲对白，仲教我点分析角色同揣摩角色对于故仔嘅功能。同 Kent 哥拍完每场戏，喺休息时间佢都会讲解番场戏点解要咁做；每日拍完一齐食饭，佢又会讲番我听佢嘅相关经验、同我点样可以去更好咁装备自己。」

狂刨 IT 资讯投入角色

「佢连 Off cam 之后返到屋企，都会再 Text 我，教我边场边场可以注意啲乜，临尾仲一定加句：『希望你拍摄顺利啦』。Kent 哥又会同我倾偈时教我好多人生道理，用佢嘅人生经验教我点去看待自己嘅事业。拍完套剧我就去咗拍《亚洲超星团》，Kent 哥差唔多每两、三日就同我讲加油，问我咩状况、有冇咩困难？呢啲前辈边度搵？」与郑则士份外投缘的 Archie，坦言对方与自己已过身的爷爷很相像：「都係佻皮得嚟又有威严，所以对住 Kent 哥，我係愈嚟愈唔怕佢，一开始都惊佢架。」Archie 另外还感激樊亦敏（Amy）的提点：「我平时会睇多啲 IT 嘅嘢，呢个係 Amy 姐教我嘅，到我睇剧本时我就知个 term 讲紧咩，就可以好有自信咁讲到出嚟，咁角色嘅说服性会强好多。」除了 Archie，Kent 哥与萧正楠亦有大量「厮杀」场口，在官方预告片，二人不但经常口角，其中一幕萧正楠更会丧扯 Kent 哥底衫大玩对质互数，期待值爆灯。